Con Toşak: "Xəzər Lənkəran”ın təklifi mənim üçün maraqlı oldu

“Bu mənim Azərbaycana 3-cü səfərimdir. 2 dəfə yığma ilə gəlmişəm, indi də kluba. Hər dəfə də Bakıda yaxşı qarşılanmışam". Futbolxeber.az xəbər verir ki, bu sözləri "Xəzər Lənkəran"ın yeni baş məşqçisi Con Benjamin Toşak deyib.

Bu gün ölkəmizə təşrif buyuran uelsli mütəxəssis hava limanında jurnalistlərə verdiyi açıqlamada "Xəzər Lənkəran"dan aldığı təklifi belə dəyərləndirib: "Xəzər Lənkəran”ın təklifi mənim üçün maraqlı oldu. Bu, mənim üçün yeni çağırışdır. Ailəmdən, yaxınlarımdan uzaqda olsam da, Azərbaycanda yaxşı günlər keçirəcəyimə ümid edirəm. “Xəzər Lənkəran”dakı fəaliyyətimin karyeramda maraqlı səhifə olacağına inanıram. Klubun indiki turnir cədvəlində vəziyyətində xəbərim var. Komanda yaxşı yerdə deyil. Lakin çalışıb yaxşı nəticələr, uğurlar qazana bilərik”.