Hafiz Məmmədov “Bakı”nı qəbul edib, bütün suallara aydınlıq gətirdi

Dünən gecə saatlarında “Bakı”nın prezidenti Hafiz Məmmədov komanda üzvlərini qəbul edib. Futbolxeber.az-ın məlumatına görə, Hafiz Məmmədov ilk növbədə komanda üzvlərinə bildirib ki, qarşıdakı günlərdə bütün borclar bağlanacaq.

Bundan başqa, klub prezidenti yeni mövsümdən etibarən komandaya İbrahim Uzuncanın rəhbərlik edəcəyini diqqətə çatdırıb.

Çıxışı zamanı Məmmədov bütün futbolçulara və klubun işçilərinə geridə qalan müddətdə dözümlü olduqlarına və sadiqliklərinə görə təşəkkür edib.

Eyni zamanda Hafiz Məmmədov gənc futbolçulara uğur diləyib və onların diqqətlərinə çatdırıb ki, bu, onlar üçün böyük şansdır. Mütləq bu imkandan yararlanmaq lazımdı.