“Qarabağ” Polşadakı nəticəsini təkrarlamalıdı...

“Qarabağ” bu gün Çempionlar Liqasının III təsnifat mərhələsinin cavab oyunu çərçivəsində “Zalsburq”un qonağı olacaq. Futbolxeber.az-ın məlumatına görə, Ağdam klubu ilk oyunda öz meydanında 2:1 hesablı qələbə qazanıb.

Buna qədər Azərbaycan klubları avrokuboklarda 3 dəfə öz meydanında keçirdikləri ilk oyunda 2:1 hesablı qələbə qazanıblar. Həmin qalibiyyətlərdən sonuncusu elə Ağdam klubunun, əvvəlki ikisi isə “Neftçi”nin payındadır. Maraqlıdır ki, “Neftçi” hər iki halda evdə 2:1 hesablı qələbə qazandıqdan sonra, cavab oyununda mərhələ adlaya bilməyib.

“Ağ-qaralar”dan fərqli olaraq Ağdam təmsilçisi öz meydanında ilk oyunda 2:1 hesablı qələbə qazandıqdan sonra mərhələ adlamağa müvəffəq olub. Ötən il Polşada “Piast Qlivitse”yə qarşı baş tutan görüşdə Qurban Qurbanovun komandası əsas vaxtda 1:2 hesabıyla uduzsa da, 108-ci dəqiqədə Kapolonqonun qolu sayəsində mərhələ adlayıb. Bu isə o deməkdir ki, ÇL-də tarix yazmaq üçün “Qarabağ” 1 il əvvəl Polşadakı nəticəsini təkrarlamalıdır.

1996-97 mövsümü UEFA Kuboku “Neftçi” - “Lokomotiv” (Sofiya, Bolqarıstan) 2:1 - 0:6

2008-09 mövsümü İntertoto Kuboku “Neftçi” - “Vasluy” (Rumıniya) 2:1 - 0:2

2013-14 mövsümü Avroliqa “Qarabağ” - “Piast Qlivitse” 2:1 - 2:2 (əlavə vaxtda)