“Neftçi” “Çixura”yla cavab oyununun hazırlıqlarına başladı

Avroliqanın III təsnifat mərhələsinin cavab oyunu çərçivəsində səfərdə “Çixura”nın qonağı olacaq “Neftçi” qarşıdakı görüşün hazırlıqlarına başlayıb. Bu haqda Futbolxeber.az saytına “Neftçi”nin İnformasiya və İctimaiyyətlə Əlaqələr Departamentini rəhbəri Gündüz Abbaszadə məlumat verib. Klub rəsmisi qeyd edib ki, artıq bu gün səhər saatlarında “ağ-qaralar” klubun bazasında məşqə çıxıblar. Komandanın növbəti məşqi sabaha nəzərdə tutulub. 

Xatırladaq ki, Bakıda baş tutan oyunda hesab açılmayıb. Komandalar arasındakı cavab oyunu avqustun 7-də Tbilisidə keçiriləcək.