4 Aprel 2025, Cümə
Millimizin heyəti açıqlandı
Millimiz FİFA reytinqində gerilədi
Samir Abasov: “İnam 100 faiz var”
Elmar Baxşıyevdən qələbə şərhi

Ölkə futbolu

Xaqani Məmmədov: “Necə deyə bilərəm ki, Qazaxıstanın yeri Avropa yox, Asiyadı?”

AFFA Hakimlər Komitəsinin sədri Xaqani Məmmədov Qazaxıstan Futbol Federasiyasının rəsmi saytına müsahibə verib. Futbolxeber.az-ın məlumatına görə, X.Məmmədov müsahibəsində Qazaxıstanın Avropada deyil, Asiyada çıxış etməli olduğu barədə fikirləri təkzib edib, həmçinin “Şaxtyor” - “Hayduk” matçını idarə edən Əliyar Ağayevin işini yüksək qiymətləndirib.

- Sizi əmin edirəm ki, bu, absurddu. Mən Qazaxıstanın UEFA-nı tərk etməli olduğu barədə heç bir fikir səsləndirməmişəm. Əliyar Ağayev son 1 həftədə ikinci dəfə avrokuboklarda Qazaxıstan klubunun oyununu idarə edib. Eləcə də “Kayrat”ın Albaniya “Kukesi”sinə qarşı keçirdiyi oyunun da hakimləri Azərbaycandan idi. Məhz qazax klublarının sayəsində hakimlərimiz əvəzolunmaz təcrübə qazanırlar. Yeri gəlmişkən, azərbaycanlı hakimlərin idarə etdiyi hər 3 oyunda Qazaxıstan klubları qələbə qazanıb. Mən necə deyə bilərəm ki, Qazaxıstanın yeri Avropa yox, Asiyadı?

- “Şaxtyor”un baş məşqçisi Viktor Kumıkovun sizin həmyerlinizin “Hayduk”la oyundakı idarəçiliyi barədə səsləndirdiyi fikirlər haqda nə deyə bilərsiz?

- Onu başa düşüürəm. Emosiyalara qapıldığı üçün bu qədər əsəbi çıxış edib. Amma Əliyar həmin oyunu əla idarə etdi. Biz oyuna baxmışıq. Onun bütün qərarları düzgün idi. O cümlədən də təyin etdiyi penalti. Biz onun işindən razıyıq.

Qeyd edək ki, Qazaxıstan Futbol Federasiyasının vitse-prezidenti Oljas Arbayev də Xaqani Məmmədovun Qazaxıstan əleyhinə fikirlər səsləndirmədiyini qeyd edib. Abrayev bu haqda tvitterdə yazıb: “Telefon danışığımız zamanı cənab Xaqani Məmmədov Qazaxıstan barədə səsləndirdiyi fikirləri təkzib edib”.

 








Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Aprel 2025
B.eÇ.aÇC.aCŞB
01 02 03 04 05 06
07 08 09 10 11 12 13
14 15 16 17 18 19 20
21 22 23 24 25 26 27
28 29 30