"Simurq" bu gün Avstriyada son yoldaşlıq görüşünə çıxacaq

İyulun 17-dən Avstriyada yeni mövsümün hazırlarının ikinci mərhələsinə start verən “Simurq”, artıq hazırlıqları tamamlamaq üzrədir. Futbolxeber.az-ın klubun rəsmi saytına istinadən verdiyi məlumata görə, Georgi Çixradzenin komandası bu gün sonuncu yoldaşlıq görüşünə çıxacaq. Zaqatala təmsilçisinin rəqibi Qətərin "Al-Sadd" klubu olacaq. Qarşılaşma Bakı vaxti ilə saat 21:00-da start götürəcək.

Bu görüşdən sonra "Simurq" Avstriya hazırlığını da başa vurub sabah ölkəyə qayıdacaq. Bir günlük istirahətdən sonra avqustun 4-ü axşam saatlarında komanda Zaqatalada 2014/15-ci il mövsmünün il turunun hazırlıqlarına start verəcək. Georgi Çixradzenin yetirmələrinin rəqibi isə paytaxtın "Bakı" klubu olacaq. Qarşılaşma avqustun 9-da "Bakı"nın təlim-məşq bazasının stadionunda keçiriləcək.

Qeyd edək ki, "Simurq" transfer çalışmalarını da davam etdirir. Yaxın günlərdə bir neçə futbolçu ilə rəsmi müqavilə imzalanacaq.