Tahir Süleymanov “Neftçi”dən getməyib

“Koper”lə Bakıdakı oyundan sonra istefa verən və klub rəhbərliyi tərəfindən istefası qəbul olunan Tahir Süleymanov hələ də “Neftçi”dən getməyib. Futbolxeber.az-ın məlumatına görə, Süleymanov bu gün Avroliqanın III təsnifat mərhələsinin ilk oyunu çərçivəsində “Çixura”ya qarşı keçirilən görüşdə iş başında olub. Hətta Süleymanov oyundan sonra yaşanan insident zamanı da klub prezidenti Sadıq Sadıqovun sona kimi yanında olub. Sadıqov mətbuata verdiyi açıqlamada Süleymanovun istefa verdiyini, lakin yenə də “Neftçi”yə kömək etdiyini bildirib. Klub prezidentinin bu açıqlamasına baxmayaraq, bütün bunlar Tahir Süleymanovun “Neftçi”dən getmədiyini, vəzifəsini davam etdirdiyini göstərir.