Böyükağa Hacıyev: “Tbilisidəki oyunda kim 1 qol vuracaqsa...”

“Çixura” sırf qapalı futbol oynadı. Mən bizə qarşı açıq futbol oynayan komandaları alqışlayıram. Amma bu, rəqib baş məşqçinin seçdiyi taktikadır. Onlar elə bu taktika ilə “Bursaspor”u mübarizədən kənarlaşdırıblar. Rəqibə hörmətlə yanaşıram. Hər halda, cavab oyununa kimi gözləməli olacağıq”.  Futbolxeber.az-ın məlumatına görə, bu sözləri “Çixura” ilə oyundan sonra “Neftçi”nin baş məşqçisi Böyükağa Hacıyev deyib.

Təcrübəli mütəxəssis hesabdan razı olmadığını qeyd edib: “Hesab ürəyimizcə deyil. Tbilisidəki oyunda kim 1 qol vuracaqsa, o da mərhələ adlayacaq”.

B.Hacıyev qarşıdakı günlərdə yeni hücumçu transfer edəcəklərini istisna etməyib: “Nforun oyunundan özüm də narazıyam. Hücumçunun işi qol vurmaqdı. Əgər, hücumçu bu gün meydanı qolsuz tərk edirsə, deməli zəif oynayıb. Qarşıdakı günlərdə komandamıza yeni hücumçunun qoşulması mümkündür”.