“Çixura”nın baş məşqçisi: “Göstərdik ki, “Neftçi”dən zəif komanda deyilik”

“Gözlədiyimiz kimi çox çətin və gərgin oyun keçdi. “Neftçi” güclü komandadır. Rəqibə hörmətlə yanaşırıq. Çox gözəl məşqçiləri, eləcə də təcrübəli futbolçuları var”. Futbolxeber.az-ın məlumatına görə, bu sözləri “Neftçi” ilə oyundan sonra “Çixura”nın baş məşqçisi Samson Pruidze deyib.

Gürcü mütəxəssis növbəti oyunun daha çətin alınacağını qeyd edib: “Bu oyunda uğur bizim tərəfimizdə oldu. Amma bizim də fərqlənmək üçün şansımız var idi. Cavab oyununa daha ciddi hazırlaşacağıq. Həmin qarşılaşma daha gərgin keçəcək. Bu gün göstərdik ki, biz aşağılanası, eləcə də “Neftçi”dən zəif komanda deyilik”.