Şenol Günəş: “Bakıya yalnız “Neftçi” - “Çixura” oyununa baxmaq üçün gəlmişəm” EKSKLÜZİV

“Bursaspor”un baş məşqçisi Şenol Günəş bir qədər əvvəl “Neftçi” - “Çixura” oyununun keçirildiyi “Bakcell Arena”ya gəlib. Təcrübəli mütəxəssisin yanında “Xəzər Lənkəran”ın çalışdırıcısı Oğuz Çətin də yer alıb. Onları stadionda “Neftçi”nin İnformasiya və İctimaiyyətlə Əlaqələr Departamentinin rəhbəri Gündüz Abbaszadə qarşılayıb. Şenol Günəş Bakıya gəlişinin səbəbini Futbolxeber.az saytına açıqlayıb: “Bura yalnız “Neftçi” - “Çixura” oyununa baxmaq üçün gəlmişəm. “Çixura” və ya “Neftçi”nin heyətində hansısa futbolçunun çıxışını izləmək üçün burda deyiləm. Mətbuatın yazdıqlarına fikir verməyin (gülür). Məqsədim yalnız qarşılaşmaya baxmaqdır. Sabah da Türkiyəyə qayıdacağam”.