“Neftçi” “Çixura”nı məğlub etməlidi”

Təcrübəli mütəxəssis Ağasəlim Mircavadov bu gün Avroliqanın III təsnifat mərhələsinin ilk oyunu çərçivəsində keçiriləcək “Neftçi” - “Çixura” görüşü haqda danışıb. Futbolxeber.az saytına verdiyi açıqlamada Mircavadov “Neftçi”nin Gürcüstan təmsilçisini məğlub etməli olduğunu qeyd edib: “Qarabağ”la müqayisədə “Neftçi”nin rəqibi daha münasibdi. “Çixura” normal komandadı. Əvvəl Gürcüstan futbolu deyəndə yada Tbilisi “Dinamo”su düşürdü. İndi futbolda ad rol oynamır. Rəqib kiçik bir qəsəbəni təmsil edir. Düzdür, “Çixura”nın oyununu görməmişəm. Amma bura qədər gəliblərsə, deməli, heç də zəif deyillər. Bununla belə, düşünürəm ki “Neftçi” bu gün qalib gəlməlidi. Həm də rəqibdən daha çox özün oyuna hazır olmalısan. “Neftçi” “Koper”lə səfərdə oynadığı kimi, hətta daha da yaxşı oynamalıdır”.