“Qəbələ”nin sabiq futbolçusu “Bakı”da

Qarşıdakı mövsümün hazırlıqlarını davam etdirən “Bakı”nın düşərgəsinə yeni futbolçu qoşulub. Futbolxeber.az-ın məlumatına görə, bu, “Qəbələ”nin sabiq üzvü Nuran Qurbanovdu. Gənc futbolçu hazırda “zolaqlılar”ın düşərgəsində baxışdan keçir. Onun komandada qalıb-qalmayacağı qarşıdakı günlərdə bilinəcək. Qurbanov dünən “Zirə”yə qarşı baş tutan yoxlama oyununda (3:0) meydanda olub.

Nuran Qurbanovla yanaşı, Nurlan Novruzov da hazırda “Bakı”nın düşərgəsindədir. Gənc hücumçunun karyerasını Türkiyədə davam etdirəcəyi barədə xəbərlər yayılsa da, o, hazırda doğma klubu ilə birgə məşq edir.