AZAL növbəti transferini rəsmiləşdirdi

Yeni mövsümə hazırlıqlarını Boluda davam etdirən AZAL heyəti gücləndirmək yolunda daha bir addım atıb. Futbolxeber.az-ın klubun rəsmi saytına istinadən verdiyi məlumata görə, “təyyarəçilər” bolqar yarımmüdafiəçi Tomi Kostadinov ilə münasibətləri rəsmiləşdirib. 23 yaşlı hücumameyilli xavbek ilə 2 illik müqavilə imzalanıb.

Qeyd edək ki, Tomi buna qədər vətənində Sofiya ÇSKA-sı, “Bdin”, “Çavdar” və Yunanıstanda “Xanya” klublarının şərəfini qoruyub. Kostadinov Bolqarıstan gənclər yığmasında (U-21) 5 oyuna 1 qol vurmağa da nail olub.

Müqavilə bağladıqdan sonra Tomi klubun rəsmi saytına ilk açıqlamalarını verib: “AZAL ilə müqavilə imzaladığıma görə çox şadam. Bura azarkeşlərə xoş anlar yaşatmaq üçün gəlmişəm. Komandam ilə qələbə qazanmaq üçün meydanda var gücümü oyacam. Qələbə üçün hər şeyimi verməyə hazlram. Yaxşı mövsüm keçirib avrokuboklara qatılmaq istəyirik. Ümid edirəm ki, sonda istəyimizə çata biləcəyik”.