“Tiraspol”un baş məşqçisi Futbolxeber.az-a verdiyi sözün üstündə durmadı

“Tiraspol”un baş məşqçisi Vlad Qoyan sözünün üstündə durmayıb. Belə ki, Tiraspol klubunun baş məşqçisi hələ püşkatmadan sonra onunla əlaqə saxlayan Futbolxeber.az saytının əməkdaşına telefonla müsahibə vermədiyini, Bakıda oyundan əvvəl sualları üzbəüz cavablandıracağını vəd etmişdi. Lakin Qoyan vədinə əməl etməyib. Hazırda “Şəfa” stadionunda oyunöncəsi məşqdə olan 43 yaşlı mütəxəssis matçdan əvvəl danışmaq istəmədiyini bildirib. Əməkdaşımız “Tiraspol”un mətbuat katibi Vadim Kolçevə Qoyanın vədini xatırlatsa da, klub rəsmisi “bəlkə, oyundan sonra danışar” deyib.