“Qəbələ”dən ayrılan futbolçunun “Mordoviya”ya keçidi baş tutmayıb?

“Qəbələ”dən ayrılan Lorenso Ebesilionun “Mordoviya”ya keçidi hələ ki rəsmiləşməyib. Futbolxeber.az-ın məlumatına görə, Saransk klubunun rəsmi saytında komandaya yeni qoşulan futbolçuların hansı nömrədə çıxış edəcəkləri barədə məlumat verilib. Siyahıda 7 futbolçunun adı var. Lakin onların arasında Ebesilio yoxdur.

Düşünmək olar ki, holland futbolçunun “Mordoviya”ya keçidi alınmayacaq. Digər tərəfdən də Ebesilio dünən komandanın keçirdiyi yoxlama görüşündə meydanda olmayıb. Halbuki əvvəlki 2 qarşılaşmada Syomin Ebesilioya şans vermişdi.

Qeyd edək ki, “Qəbələ”ni “Mordoviya”ya dəyişən İbrahima Niasse yeni klubunda 18 nömrəli formanı geyəcək.