“Xəzər Lənkəran” Rusiya çempionu ilə qarşılaşacaq

“Xəzər Lənkəran”ın Avstriyadakı təlim-məşq toplanışında keçirəcəyi yoxlama oyunlarından birindəki rəqibi müəyyənləşib. Futbolxeber.az-ın  “Apasport.az”a istinadən verdiyi məlumata görə, cənub təmsilçisi Rusiya çempionu ÇSKA ilə görüşəcək.

Bu matç iyulun 18-də keçiriləcək. “Xəzər Lənkəran”la qarşılaşma Leonid Slutskinin yetirmələrinin Avstriyada 2-ci matçı olacaq.

Belə ki, ayın 13-də Yuri Syominin çalışdırdığı “Mordoviya” ilə Moskvada üz-üzə gələcək MOİK səfərə çıxdıqdan sonra əvvəl Serbiya “Rad”ı ilə qarşılaşacaq. Ayın 16-dakı həmin görüşdən 2 gün sonra moskvalılar “Xəzər Lənkəran”ı sınağa çəkəcək.