Muntyanu: "Qəbələ"nin iddiaları çox böyükdü"

“Qəbələ”nin baş məşqçisi Dorinel Muntyanu Rumıniya Futbol Federasiyasının rəsmi saytına müsahibə verib. Futbolxeber.az həmin müsahibəni təqdim edir:

- “Qəbələ”nin baş məşqçisi olmağınızın səbəbi nədi?

- Mənim üçün yeni təcrübə olacaq. Bir neçə klubdan təklif almışdım. Lakin “Qəbələ”nin layihələri məni cəlb etdi. Bu klubun iddiaları çox böyükdü.

- Orda özünüz üçün nə tapdınız?

- Müasir, qüsursuz təşkilatçılıq və böyük investisiyalar. Buradakı insanlar inkişaf istəyir və böyük uğurlar üçün vacib olan təməli qoyublar.

- 20 il əvvəl siz də dünya çempionatında oynamışdınız. İndiki həmin turnir haqda düşünürsünüz?

- Azarkeşlər də, həmin vaxt mundialda oynamış insanlar da bunu xatırlayır.

- Millidə 134 oyun keçirmisiniz. Onların ən yaxşısı hansıdı?

- Bizim üçün hər matç həlledici idi. Bu üzdən də nələrəsə nail olmuşduq. Ən yaxşı saya biləcəyim oyunlar isə bir neçədi.

- Braziliyadakı mundialda kimə azarkeşlik edirsiniz?

- Vaxtilə Almaniyada oynamışam. Bu ölkəni və milləti sevmişəm. Onların çempion olmasını istəyirəm. Mənə elə gəlir ki, finalda Avropa və Cənubi Amerika təmsilçiləri qarşılaşacaq.

- AVRO-2016-nın seçmə mərhələsindən nə gözləyirsiz?

- Rumıniyanın final mərhələsinə çıxmamasını təsəvvür edə bilmirəm. Əgər yığmamız seçmə mərhələni adlaya bilməsə, faciə olacaq. Bu haqda düşünmək istəmirəm.