“Şiroki Briyeq” Azərbaycana nə vaxt gələcək?

Avroliqanın ilk təsnifat mərhələsində “Qəbələ”nin rəqibi olan Bosniyanın “Şiroki Briyeq” klubunun ölkəmizə gələcəyi tarix müəyyənləşib. Bu haqda Futbolxeber.az saytına “Qəbələ”nin mətbuat xidmətinin rəhbəri Anar Hacıyev məlumat verib: “Vizayla bağlı bütün lazımı işlər görülüb. Lazımı sənədlərin hamısı da qarşı tərəfə göndərilib. “Şiroki Briyeq” ölkəmizə iyulun 1-dən 2-nə keçən gecə gələcək. Komanda Qəbələdə “Karvansaray” otelində qalacaq. Oyundan bir gün öncə isə qarşılaşmanın başlama saatına uyğun olaraq bosniyalıların məşq etməsi üçün lazımı şərait yaradılacaq”.