“Hələ “Araz Naxçıvan”la rəsmi müqavilə imzalamamışam”

Milli komandamızın sabiq hücumçusu Vüqar Əsgərov hələ “Araz Naxçıvan”la rəsmi müqavilə imzalamayıb. Bu haqda Futbolxeber.az saytına futbolçunun özü məlumat verib: “Artıq bir neçə gündür “Araz Naxçıvan”ın düşərgəsindəyəm. Məşqlərdə iştirak edirəm. Hələ rəsmi müqaviləyə imza atmamışam. Ortada heç bir problem yoxdur. Baş məşqçiylə danışmışam. O, bildirib ki “narahat olma, heç bir problem yoxdur”. Tezliklə rəsmi müqavilə imzalanacaq”.