Danilo Diasın zədəsi ciddi deyil

“Qarabağ” Avstriyada təlim-məşq toplanışını davam etdirir. Futbolxeber.az-ın klubun rəsmi saytına istinadən verdiyi məlumata görə, hazırlığın növbəti günündə komandanın tək məşqi vardı. “Qarabağ” məşqə yerli vaxtla 10:30-da (Bakı vaxtıyla 13:30) yollanıb. Hazırlıq 100 dəqiqə davam edib. Komandanın bu məşqi fiziki hazırlığın təkmilləşməsi üzərinə qurulub. Yüngül isinmə hərəkətlərinin ardından meydanboyu qurulmuş məneələri dəf edərək qapıya zərbələr üzərində çalışılıb. Olduqca yüksək tempdə davam edən çalışma yüngül qaçışla başa çatıb.

Komandanın məşqində Rəşad Sadıqov yenə də fizioterapevt nəzarətində çalışıb. “Şaxtyor”la oyunda yüngül zədə alan yeni transfer Danilo Dias da kollektiv çalışmalarda iştirak etməyib. Amma braziliyalının zədəsi ciddi deyil.