“Simurq” rəsmisi Ukrayna klubunu yalançı çıxardı ÖZƏL

Ukraynanın “Zarya” klubunun rəsmi saytında komandanın Sloveniyada keçirəcəyi təlim-məşq toplanışı çərçivəsində iyunun 30-da “Simurq”la qarşılaşacağı barədə xəbər yerləşdirilib. Xəbər gün ərzində həm Ukrayna, həm də Azərbaycan mətbuatında işıqlandırılıb. Amma “Simurq”un rəsmi saytında klubun hazırlıq prosesi ilə bağlı xəbərdə Zaqatala təmsilçisinin yoxlama oyunlarına iyulun 6-da, 9-da və 12-də çıxacağı qeyd olunub.

Məsələyə aydınlıq gətirmək üçün “Simurq”un mətbuat xidmətinin rəhbəri Rüstəm Allahverdiyevə müraciət etdik. Klub rəsmisi Futbolxeber.az saytına verdiyi açıqlamada qısaca olaraq bunları dedi: “Bu, yalan söhbətdir. Biz iyunun 30-da Ukrayna klubu ilə qarşılaşmayacağıq”.