“Tiraspol”un oyununu “İnter”dən heç kim izləməyəcək

Xəbər verdiyimiz kimi, Avroliqanın ilk təsnifat mərhələsində “İnter”in rəqibi olan “Tiraspol” qarşıdakı 2 gündə 2 yoxlama oyununa çıxacaq. Lakin “İnter”in məşqçi və rəsmilərindən heç kim bu oyunu izləməyəcək. Futbolxeber.az saytına bu haqda “bankirlər”in mətbuat xidmətinin rəhbəri Səbuhi Məmmədov məlumat verib: “Bu gün “İnter” Trnava “Spartak”ı ilə qarşılaşır. Sabah isə komandamız istirahətdədir. Məşqçilər korpusundan heç kim “Tiraspol”un oyununa canlı olaraq baxmayacaq. Yəqin ki, rəqibin oyununu diskdə izləyib, təhlil edəcəklər”.

Xatırladaq ki, “Tiraspol” sabah Moldovanın digər təmsilçisi “Daçiya” ilə, iyunun 27-də isə Rusiyanın “Tom” klubu ilə üz-üzə gələcək.