“Tiraspol”un müdafiəçisi: “Meydanda pullar yox, futbolçular oynayır”

Avroliqanın ilk təsnifat mərhələsində “İnter”in rəqibi olan “Tiraspol”un üzvü Sergey Şapolov UEFA-nın rəsmi saytına açıqlama verib. Futbolxeber.az-ın məlumatına görə, ukraynalı futbolçu təmsilçimizlə oyun barədə bunları deyib: “Fikrimcə, bu cütdə favorit yoxdu. Bilirəm ki, “İnter” mütəmadi olaraq avrokuboklarda oynayır. Onlarla mübarizə aparmaq çox maraqlı olacaq. Azərbaycan klublarının büdcəsi Moldova komandalarından daha yüksəkdir. Amma meydanda pullar yox, futbolçular oynayır. Biz fikrimizi öz hazırlığımıza yönəltmişik. Keyfiyyətli oyun sərgiləsək, mərhələ adlayacağıq”.