“Beşiktaş” finalda “Ayntraxt”la, “İnter” beşincilik uğrunda “Dinamo”yla qarşılaşacaq

Azərbaycan Beynəlxalq Bankının təsis etdiyi kubok uğrunda 3-cü beynəlxalq futbol turnirində qrup mərhələsinə yekun vurulub. Futbolxeber.az-ın məlumatına görə, Azərbaycan Beynəlxalq Bankının, "İnter" Peşəkar Futbol Klubunun və Bakı Futbol Federasiyasının təşkilatçılığıyla keçirilən turnirin finalında “Ayntraxt” və “Beşiktaş” klubları üz-üzə gələcək. Ötən il finalda “Beşiktaş”la qarşılaşmış “Vilyareal”, bu dəfə bürünc medallar uğrunda “Partizan”la görüşəcək. Qrup mərhələsini üçüncü pillədə tamamlayan “İnter”, beşinci yer uğrunda görüşdə Tbilisi “Dinamo”su ilə qarşılaşacaq. Turnirin sonuncusu olmamaq uğrunda isə “Rubin” və “Karpatı” kollektivləri üz-üzə gələcək.