“Xəzər Lənkəran” rəsmisi Namaşko məsələsinə nöqtə qoydu

“Mətbuatda yayılan xəbərlərlə tanışam. Dünən bu barədə düşünsəm də, belə bir futbolçu yadıma düşmədi. Namaşko düz deyir. O, “Xəzər Lənkəran”da heç vaxt baxışda olmayıb. Biz də belə bir futbolçuyla maraqlanmamışıq”. Futbolxeber.az saytına verdiyi açıqlamada bu sözləri “Xəzər Lənkəran”ın mətbuat xidmətinin rəhbəri Hüseyn Cəbrayıloğlu deyib.

Xatırladaq ki, dünən ölkə mətbuatında AZAL-a keçəcəyi gözlənilən Moldova millisinin qapıçısı Stanislav Namaşkonun daha əvvəl “Xəzər Lənkəran”da baxışda olduğu, amma bəyənilməyərək geri göndərildiyi barədə xəbərlər yayılmışdı. Futbolçu özü də Futbolxeber.az saytına verdiyi eksklüziv açıqlamada deyilənləri yalan adlandırmışdı.