"İnter" 2014/15 mövsümünün hazırlığına start verdi

İzmit şəhərinin yaxınlığındaki Kartepe qəsəbəsinin "Green Park" otelində məskunlaşan "İnter" bu səhər ilk məşqinə çıxıb. Futbolxeber.az-ın klubun rəsmi saytına istinadən verdiyi məlumata görə, ilk məşqin birinci hissəsini futbolçular trenajor zalında keçiriblər. Daha sonra oyunçular meydana çıxıblar. İsinmə hərkətlər və qaçışdan ibarət məşq təxminən 1 saat davam edib.

Qeyd edək ki,"İnter"in Türkiyədə gündə iki dəfə məşq etməsi planlaşdırılır. Bu gün yerli vaxtla saat 17:00-da “bankirlər” axşam məşqinə çıxacaq.