Elvin Məmmədov: “Türkiyədən təklif alsam da...”

“Yerli klublardan real təklifi “İnter”dən aldım. Düzdür, menecerlər yaxınlaşıb, digər klubların da mənimlə maraqlandığını deyirdilər. Amma ortada real təklif yox idi. Konkret təklif “İnter”dən gəldi, mən də qəbul etdim”. Futbolxeber.az saytına verdiyi açıqlamada bu sözləri “Bakı”dan “İnter”ə keçən Elvin Məmmədov deyib.

Təcrübəli futbolçu Türkiyədən təklif alsa da, qardaş ölkəyə yollanmaq istəməyib: “Türkiyədən də təklif almışdım. Birinci liqa klubu idi. Amma həmin komanda iddialı deyildi, ortabab idi. Əgər, xidmətimdə maraqlı olan komanda iddialı, növbəti mövsümdə Superliqaya çıxmaq uğrunda mübarizə aparacaq olsaydı, təklifi qəbul edərdim. Ortabab, iddiasız olduğu üçün təklifi qəbul etmədim. “İnter” isə Avroliqada mübarizə aparacaq. Ona görə də keçmiş komandama qayıtdım”.