“Qarabağ”ın yeni transferi: “Bilirəm ki, məndən gözləntilər çoxdu”

“Qarabağ”ın yeni transferi Daniel Leandro Dias Ağdam klubuna keçidini şərh edib. Futbolxeber.az-ın məlumatına görə, “Qarabağ”ın rəsmi saytına danışan braziliyalı futbolçu yeni klubuna uğur qazanmaq üçün gəldiyini bildirib: “Çempion komandaya gəlmişəm. Üstəlik, komanda bu titulu qazandıqdan sonra ilk transferiyəm. Bilirəm ki, bu vəziyyətdə məndən gözləntilər çoxdu. Təbii ki, bura uğur qazanmağa gəlmişəm. Bunun üçün hər şeyi edəcəm. Komandanın 1 parçası olmaq cox vacibdir. Çünki, uğurları ayrı fərdlər deyil, komanda şəklində qazanmaq olar. Bilirəm ki, komandada mənə qədər 3 braziliyalı var. Həmvətənlərimin olması əlbəttə ki, adaptasiya baxımından üstünlükdür. Qarşıdan Çempionlar Liqası gəlir. Bu turnirə yaxşı hazırlaşmaq lazımdır. Azarkeşlərimizə sözüm odu ki, onlar sona qədər meydanda “Qarabağ” üçün döyüşən futbolçu görəcəklər”.