"Atletiko" Heydər Əliyev mərkəziylə tanış oldu

Xəbər verdiyimiz kimi, Madrid "Atletiko"su ölkəmizdə səfərdədi. Futbolxeber.az-ın məlumatına görə, "Four Seasons" otelində İspaniya çempionluğunun rəmzi olan kuboku yerli media nümayəndələrinə təqdim edən Madrid təmsilçisinin səfər proqramı dünən də əlamətdar olub.

Belə ki, başda "Atletiko"nun prezidenti Enriko Sereso olmaqla klub üzvləri Heydər Əliyev mərkəzinə gələrək burda ümummilli lider Heydər Əliyevin həyat və fəaliyyətini əks etdirən fotostendlə tanış olublar. Ardından mərkəzin tarix muzeyinə baş çəkən ispaniyalı qonaqlar, Azərbaycan tarixi haqda geniş məlumat əldə ediblər. Eyni zamanda "Atletiko"nun nümayəndələri ulu öndərin Azərbaycanın dövlət müstəqilliyinin bərpası yolunda yorulmaz fəaliyyəti haqda müfəssəl informasiya alıblar.

Sonda qonaqlara iri neft-qaz layihələrinin reallaşmasında ümummilli lider Heydər Əliyevin gördüyü işlər haqda da bilgi verilib.