“Atletiko”nun Bakıya cəmi 2 futbolçusunun gəlməsinin səbəbi açıqlandı

Bu gün Madrid “Atletiko”sunun prezidenti Enrike Sereso, baş katib Anxel Gil Marin Bakıya təşrif buyurublar. La Liqada qazandığı çempionluq kubokunu Bakıya gətirən madridlilərin yalnız 2 üzvü - komandanın kapitanı Qabi və türkiyəli futbolçu Arda Turan Bakıya gəliblər. Futbolxeber.az-ın məlumatına görə, Madrid klubunun səfəri ilə bağlı təşkil olunan mətbuat konfransında Enrike Sereso Azərbaycana yalnız 2 futbolçunun gəlməsinə belə aydınlıq gətirib: “Sıx qrafiklə meydana çıxırdıq. Son zamanlar çox ağır, məsul oyunlar keçirdik. Odur ki, komanda üzvləri indi istirahətdədirlər. Amma bu, bütün futbolçulara aid deyil. Çünki komanda üzvlərinin yarısı hazırda millilərin heyətində dünya çempionatına hazırlaşırlar. Onlar özləri də istərdilər ki, Bakıya yenidən gəlsinlər. Lakin dediyim səbəblərdən bu, baş tutmadı”.