Klinsman: “Azərbaycan millisi müdafiəyə meyilli oynadığı üçün...”

“Komandama və rəqibə yaxşı oyuna görə təşəkkür edirəm. Dünya çempionatına hazırlıq çərçivəsində bu, bizim ilk oyunumuz idi və nəticədən razıyam”. Futbolxeber.az-ın məlumatına görə, bu sözləri millimizlə oyundan sonra ABŞ yığmasının baş məşqçisi Yurgen Klinsman deyib.

Alman məşqçi yığmamıza təşəkkür idib: “Azərbaycan millisi müdafiəyə meyilli oynadığı üçün işimiz o qədər də asan olmadı. Əvəzetmələr oyunumuza müsbət təsir göstərdi. Bu qarşılaşma komandamızın kifayət qədər səbirli olduğunu və çətinliklər zamanı təşvişə düşmədiyini göstərdi. Azərbaycan milli komandasına belə böyük məsafə qət edərək buraya gəldiyi üçün təşəkkür edirəm. Onlar da, biz də bu oyunun baş tutması üçün əlimizdən gələni etdik”.