“Draqan Çeran? Bizim onunla müqaviləmiz onsuz da var idi”

“Hələ ki müqaviləmiz başa çatan heç bir futbolçuyla yeni sözləşmə imzalamamışıq. Kimsə “Simurq”la müqavilə imzalamışam” deyirsə, boş söhbətdi. Hansı futbolçuyla müqaviləni yeniləsək, dərhal bu barədə klubun rəsmi saytında xəbər yer alacaq”. Futbolxeber.az saytına verdiyi açıqlamada bu sözləri “Simurq”un mətbuat xidmətinin rəhbəri Rüstəm Allahverdiyev deyib.

Zaqatala klubunun aparıcı üzvü Draqan Çeran bu gün ölkə mətbuatına verdiyi açıqlamada “Simurq”la yeni müqavilə imzaladığını bəyan edib. Lakin R.Allahverdiyev futbolçunun dediklərini təkzib edib: “Draqan Çeran? Bizim onunla müqaviləmiz onsuz da var idi. Ötən il “1+1” il müddətinə sözləşmə imzalamışdıq. O, gələn mövsüm də “Simurq”un şərəfini qoruyacaq”.