“İnter” Hüseynovdan əlini üzdü

“Bakı”nın yarımmüdafiəçisi Cavid Hüseynovun “İnter”ə transferi baş tutmayacaq. Bu haqda Futbolxeber.az saytına “bankirlər”in mətbuat xidmətinin rəhbəri Səbuhi Məmmədov açıqlama verib. O bildirib ki, Cavidin “Bakı” ilə hazırda müqaviləsi var. Bu səbəbdən də onun “İnter”ə keçidi baş tutmayacaq.

Xatırladaq ki, Cavid Hüseynova qədər “İnter”, “Bakı”dan Elvin Məmmədovu heyətinə qatıb. 

Əlavə edək ki, Elvin Məmmədov kimi Cavid Hüseynov da daha əvvəl "İnter"in şərəfini qoruyub.