Finala görə “Qəbələ” 3, “Neftçi” 2 min manat cərimələndi

Bu gün İntizam Komitəsinin iclası keçirilib. Futbolxeber.az-ın PFL-in rəsmi saytna istinadən verdiyi məlumata görə, bu gün keçirilən iclasda aşağıdakı qərarlar qəbul edilib:

* Azərbaycan kubokunun “Qəbələ” - “Neftçi” final matçında hər iki klubun 4 futbolçusu sarı vərəqə ilə cəzalandığı üçün klublar 1000 manat cərimə olunub.

* Oyunun 90-cı dəqiqəsində “Neftçi” klubunun məşqçisi Bəxtiyar Musayev texniki zona qaydalarını pozduğuna görə meydançadan kənarlaşdırıldığı üçün 1 oyunluq cəzalanıb, klub 1000 manat cərimə olunub.

* Oyunun 104-cü dəqiqəsində “Qəbələ” klubunun azarkeşləri tərəfindən meydançaya kənar əşyalar atıldığı üçün klub 2000 manat cərimə olunub.