Berti Foqts: “ABŞ-la matçda Azərbaycan yığmasından yaxşı oyun gözləyirəm”

Milli komandamızın baş məşqçisi Berti Foqtsun müsahibəsi

- Komandanın hazırlığı necə gedir?

- Oyunçuların formasına görə mövsümün sonu olduğu hiss edilir. Gərginlik hiss edilirdi. Həmçinin, komanda uzun yol qət edib. Bütün oyunçuların ahəngə düşməsi üçün vaxt lazımdır. Biz bunun üzərində çalışırıq.

- Yəni altı gün ərzində hələ uyğunlaşma keçməmisiniz?

- Hələ yox. Tamam yox. Hər halda, vaxt fərqi 12 saatdan ibarətdir. Hər günə düz bir saat lazımdır ki, uyğunlaşma keçəsən. Buna isə tam bərpa olmaq üçün 12 gün gedəcək.

- Hansı komandaların üzvləri daha yaxşı formada gəliblər?

- Görünür ki, son ana qədər mübarizə aparmış komandaların oyunçuları gərgindirlər. 4-5-ci yerləri tutmuş klublardan gələnlər isə özlərini nisbətən sakit hiss edirlər.

- ABŞ yığması ilə oyundan nə gözləyirsiniz?

- Azərbaycan yığmasından yaxşı oyun. Bu, dünya çempionatı iştirakçısına qarşı maraqlı oyun olacaq. Burada tam başqa ab-hava var. Qarşıda bizi İtaliya və Xorvatiya milliləri ilə oyunlar gözlədiyini nəzərə alsaq, amerikalılarla oyun bizim üçün çox vacibdir.

- Oyunda üstün amil nə olacaq: yaxşı oyun və ya nüfuz naminə yaxşı nəticə?

- Bəs nə daha vacibdir: qələbə yoxsa yaxşı oyun?

- Müxtəlif, hərəyə bir cür. Əksər azarkeşləri nəticə narahat edir.

- Hər iki amil vacibdir. Həm nəticə, həm də yaxşı oyun. ABŞ yığması ilə oyunda təcrübə edəcəyəm. Təsnifat mərhələsinə qədər Özbəkistan millisi ilə oyunumu olacaq.

- Yığmada yeni oyunçu - Dmitri Nazarov var. Onun haqqında nə deyə bilərsiniz?

- O, yığmada iki tam məşq keçib. Dmitri İkinci Bundesliqanın oyunçusudur. Düşünürəm ki, o, özü ilə bizə gərəkli keyfiyyətlər gətirib.