Georgiyevski:"Çalışacağam ki, gələn mövsümdə də “İnter”ə fayda verim”

Bir neçə gün əvvəl “İnter” makedoniyalı futbolçu Slavço Georgiyevski ilə müqavilə müddətini daha 1 il uzatdı. Futbolxeber.az-ın məlumatına görə, Georgiyevski daha bir il komandanın şərəfini qorumasına klubun rəsmi saytı vasitəsi ilə belə münasibət bildirib: "Sevinirəm ki, daha bir il "İnter"də çıxış edəcəyəm.  Mənə göstərilən etimada görə klub rəhbərliyinə və baş məşqçiyə təşəkkür edirəm. Çalışacağam ki, gələn mövsümdə də komandaya fayda verim. Artıq iki ildir ki, "İnter"in formasını geyinirəm və bu klubda məni hər şey qane edir. Ola bilsin ki, növbəti mövsüm mənim futbolçu karyeramda sonuncu olsun, lakin indi mən ancaq gələcək oyunlar haqqında düşünürəm. Qarşıda bizi Avropa Liqasında çıxış gözləyir və bu oyunlara ciddi hazırlaşmalıyıq".

Qeyd edək ki, ayın 17-də başa çatmış mövsümdə Slavço Georgiyevski 21 çempionat oyununda meydanda olub və bu matçlarda 1 qolla fərqlənib.