“Heç kimi “Bakı”da zorla saxlamayacağıq”

“Elvin Məmmədovun “Bakı” ilə hələ müqaviləsi var. Onun sözləşməsi iyunun 30-da başa çatacaq”. Futbolxeber.az saytına verdiyi açıqlamada bu sözləri “Bakı”nın mətbuat xidmətinin rəhbəri İsgəndər İsgəndərov deyib.

Klub rəsmisi "zolaqlılar"ın üzvü Elvin Məmmədovun “İnter”ə keçəcəyi haqda yayılan xəbərləri belə şərh edib: “30 iyundan sonra Elvin istəsə başqa kluba gedə bilər. Ancaq ilk öncə baş məşqçiylə danışmalıdır. Yalnız bundan sonra konkret söz demək mümkündür. Yəni, o, əvvəlcə Pantiçlə söhbət etməli, sonra qərar qəbul etməlidir. Onu da deyim ki, müqaviləsi bitən istənilən futbolçu komandadan gedə bilər. Heç kimi komandada zorla saxlamayacağıq”.