Kardosa: “Xəzər Lənkəran”a qarşı həmişə stress altında oynamışıq”

“Neftçi”nin müdafiəçisi Karlos Kardosa sabah ölkə kubokunun finalında “Qəbələ”yə qarşı keçiriləcək oyun barədə danışıb. Futbolxeber.az-ın məlumatına görə, final matçına həsr olunmuş mətbuat konfransına qatılan braziliyalı futbolçu məşqçisi Ruben Selyeslə aralarında yaranan münaqişəyə də ayqınlıq gətirib: “Qəbələ”nin heyətində yaxşı futbolçular var. Mən daha çox öz oyunumu fikirləşirəm. Hücuma getməyim vəziyyətdən asılıdır. Mənim işim ilk növbədə müdafiədə etibarlı oynamaqdır. İlk qırmızı vərəqəni Azərbaycanda almışam. Braziliyadan başqa, Azərbaycan oynadığım 3-cü ölkədədir. Rumıniyada 100-dən çox oyun keçirmişəm. “Xəzər Lənkəran”a qarşı isə bilirsiniz ki, həmişə stress altında oynamışıq. Fiziki hazırlıq üzrə məşqçimiz Ruben Selyeslə münaqişəmizə gəlincə, aramızda anlaşmazlıq olub. İspan və portuqal dilləri oxşar olsa da, eyni deyil. Dildə bir-birimizi anlamamışdıq və ona görə belə mübahisəmiz düşmüşdü. İndi isə hər şey qaydasındadır. Mən həyatda sakit adamam”.