İlqar Qurbanov: “Avrokuboklardan hər kəs bizdən uğur gözləyir”

İlqar Qurbanov “Qarabağ”la müqaviləsini yeniləməyinə münasibət bildir. Futbolxeber.az-ın məlumatına görə, klubun rəsmi saytına danışan Qurbanov durumundan məmnun olduğunu qeyd edib: “Yenidən "Qarabağ"ın formasını geyinəcəyimə çox məmnunam. Artıq 4 ildir ki, "Qarabağ"dayam. Özümü burada evimdəki kimi hiss edirəm. "Qarabağ"da olan mehribançılıq, kollektivçilik bir futbolçu üçün əla stimuldur. Biz bir ailə olaraq bütünləşərək çempion olmağı bacardıq. İndi məsuliyyətimiz daha da artıb. "Qarabağ" formasının haqqını ödəmək üçün əlimdən gələn hər şeyi edəcəm. Qarşıdan çətin dönəm gəlir. Avrokuboklardan hər kəs bizdən uğur gözləyir. Amma ilk növbədə yaxşıca hazırlaşıb ölkəmizi layiqli şəkildə təmsil etməyə çalışacağıq. Azarkeşlərimizi də "Qarabağ" ətrafında daha sıx birləşməyə səsləyirəm".