Mustafa Dənizli “Xəzər Lənkəran”da başqa post tutmaq istəyir ÖZƏL

 “Xəzər Lənkəran”dan ayrılan Mustafa Dənizli komandadan əl çəkmir. Türkiyəli mütəxəssis klub rəhbərliyi ilə görüşdə istefa versə də, Türkiyə mətbuatına tam fərqli açıqlama verib. Əslində Dənizlinin “istefa verməmişəm” açıqlaması səbəbsiz deyil. Futbolxeber.az-ın əldə etdiyi məlumatına görə, cənublularla hələ 1 illik müqaviləsi olan Dənizli qarşıdakı mövsümü də Azərbaycanda keçirmək istəyir. O, hətta idman direktoru və ya başqa bir vəzifə tutmağa da razıdır. Yetər ki, klubdan ayrılmasın.

Dənizlinin “Xəzər Lənkəran”da qalmaqda israrlı olmasının da səbəbi var. Ölkəsində böyük nüfuz sahibi olan təcrübıli mütəxəssis Azərbaycanda uğursuzluğa düçar olmasını qəbul edə bilmir. Bu səbəbdən də o, nə yolla olur-olsun klubda qalmaq fikrindədir. Lakin klub rəhbərliyi Dənizliylə əməkdaşlığa davam etməkdə maraqlı deyil.