“Neftçi”, “Xəzər Lənkəran” və “İnter”də çempion olmuş futbolçu yenidən Azərbaycanda

Uzun illər ölkəmizdə forma geyən gürcüstanlı müdafiəçi Valeri Abramidze hazırda Bakıdadır. Futbolxeber.az-ın məlumatına görə, gürcü futbolçu paytaxtımıza 3 günlük gəlib. Onun budəfəki səfəri futbolla bağlı deyil. Abramidze Bakıdakı dostları ilə görüşmək üçün paytaxtımızdadır.

Abramidzenin ölkəmizdə olduğunu da vaxtı ilə “Neftçi”də çalışmış Əhməd Nəbizadədən öyrəndik. Məhz Nəbizadə Abramidze və Aleksandr Çertoqanovla birgə çəkilmiş şəkli feysbuk sosial şəbəkəsində paylaşıb.

Qeyd edək ki, Abramidze ölkəmizdə “Neftçi”, “Xəzər Lənkəran” və “İnter”də forma geyib. Hər 3 klubla Azərbaycan çempionu adını qazanan təcrübəli müdafiəçi “Spartak”, “Anji” kimi tanınmış klublarda da oynayıb. Hazırda isə o, “Sioni”də çıxış edir. Növbəti mövsümdə Avroliqada çıxış edəcək Bolnisi klubunda Abramidze son mövsümdə 5 qol vurub.