AFFA “Xəzər Lənkəran”, “İnter” və “Bakı”nı cərimələdi

Bu gün AFFA İntizam Komitəsinin növbəti iclası keçirilib. Futbolxeber.az-ın məlumatına görə, 2 may 2014-cü il, 2013/2014 mövsümündə, XXII Azərbaycan Premyer Liqasının XXXV turunun “Simurq” - “Xəzər Lənkəran” matçında “Xəzər Lənkəran” klubunun 7 futbolçusu sarı vərəqə ilə cəzalandığı üçün klub 1000 manat cərimə olunub.

11 may 2014-cü il, 2013/2014 mövsümündə, XXII Azərbaycan Premyer Liqasında çıxış edən klubların əvəzedici heyətlərinin XXXV turunun “İnter” = “Qəbələ” matçının 71-ci dəqiqəsində “İnter” klubunun 24 №-li futbolçusu Fuad Bayramov idmançıya yaraşmayan hərəkətə görə ikinci sarı vərəqə alaraq meydandan kənarlaşdırıldığı üçün futbolçu 1 oyunluq cəzalanıb, klub 100 manat cərimə olunub.

11 may 2014-cü il, 2013/2014 mövsümündə, XXII Azərbaycan Premyer Liqasında çıxış edən klubların əvəzedici heyətlərinin XXXV turunun “Bakı” - AZAL matçının 84-cü dəqiqəsində “Bakı” klubunun 19 №-li futbolçusu Elşən Rzazadə idmançıya yaraşmayan hərəkətə görə ikinci sarı vərəqə alaraq meydandan kənarlaşdırıldığı üçün futbolçu 1 oyunluq cəzalanıb, klub 100 manat cərimə olunub.