“İnter”dəki futbolçuların 70-80 faizinin sözləşməsi mövsümün sonunda başa çatır”

“Hələlik transferlə bağlı konkret bir şey yoxdu. Kaxaber Tsxadadze 3 transfer etməyi planlaşdırdığını bildirdi. Amma kimlərin alınacağı hələ bəlli deyil”. Futbolxeber.az saytına verdiyi açıqlamada bu sözləri “İnter”in mətbuat xidmətinin rəhbəri Səbuhi Məmmədov deyib.

Klub rəsmisi gedəcək futbolçularla bağlı sualı belə cavablandırıb: “Sözün açığı, bu barədə də məlumatım yoxdu. Hələ ki baş məşqçimiz heç nə açıqlamayıb. Komandada bir çoxlarının, demək olar ki futbolçuların 70-80 faizinin sözləşməsi mövsümün sonunda başa çatır. Məsələn, Ruslan Əmircanovun, Vaqif Cavadovun, Səlahət Ağayevin və başqalarının. Amma mənə bununla bağlı heç nə deməyiblər. Tsxadadze deyib ki, mövsüm başa çatsın, bütün məsələlərə aydınlıq gətiriləcək. Sözləşməsi bitən futbolçular mmüqavilə yenilən kimi məlumat verəcəyik”.