Tsxadadze Azərbaycan futbolunda ilkə imza atdı

Dünən “Qəbələ” ilə heç-heçə oynayan (0:0)“İnter” 2013/14 mövsümündə gümüş medallara sahib çıxdı. Futbolxeber.az-ın klubun rəsmi saytına istinadən verdiyi məlumata görə, bu gümüş komandanın 10 mövsüm ərzində qazandığı sayca 2-ci oldu. “İnter” ilk dəfə 2008/09 mövsümündə vitse-çempion adını qazanmışdı. Ötən 10 mövsüm ərzində “İnter” iki dəfə çempion olub, iki dəfə ikinci yeri tutub, iki dəfə bürünc medal qazanıb, iki dəfə 4-cü yerlə kifayətlənib və bir dəfə 5-ci və 7-ci yeri tutub. “İnter”in Azərbaycan çempionatlarında yekun mövqelərilə aşağıdakı cədvəldə tanış ola bilərsiniz:  

*Cari mövsümdə daha bir matç keçirilməlidir

Maraqlıdır ki, “İnter”də çalışdığı 5 il ərzində Kaxaber Tsxadadze gümüş medal da qazanmağı bacardı ki, bu da onu Azərbaycan Çempionatında bütün medalları qazanmış ilk əcnəbi mütəxəssisə çevirdi: 2009/10 mövsümündə qızıl, 2011/12 və 212/13 mövsümündə bürünc, həmçinin cari mövsümdə gümüş. Ötən 5 mövsümdə Kaxaber Tsxadadzenin yetirmələri yalnız bir dəfə turniri mükafatsız başa vurmuşdular.