Foqtsun tapıntısı kimdir?

Milli komandamızın baş məşqçisi Berti Foqts bu gün ABŞ-a qarşı keçiriləcək yoxlama oyunu üçün heyəti açıqlayıb. Futbolxeber.az-ın məlumatına görə, alman mütəxəssisin dəvət göndərdiyi futbolçular arasında yeni sima da var. Söhbət Dmitri Nazarovdan gedir.

Dmitri Nazarov 1990-cı ilin 4 aprelində Krasnoarmeyskdə, Qazaxıstanda anadan olub. Daha sonra Almaniyaya üz tutan Nazarov futbolun sirlərinə də elə burada yiyələnib. Ilk olaraq “Varmotia Vorms”un gənclər komandasında çıxış edən Nazarov, 2009-cu ildə “Kayzerslautern”ə üz tutub. 2009-2010 mövsümünü bu klubun ikinci komandasında keçirən Dmitri 22 oyunda 2 qol vurub. 2010-2012-ci illərdə “Ayntraxt”ın (Frankfurt) ikinci komandasında çıxış edən futbolçu burada 39 oyunda 11 qol vurduqdan sonra üçüncü liqa təmsilçisi “Preusen Munster”ə üz tutub. Ötən mövsüm 36 oyuna çıxan gənc forvard 6 dəfə rəqib qapılarına yol tapıb. Cari mövsümdən isə Nazarov II Bundesliqada mübarizə aparan “Karlsrue”nin şərəfini qoruyur. 33 turdan sonra 5-ci pillədə qərarlaşan “Karlsrue”də isə Nazarov 17 oyuna çıxıb və 5 qol vurub. O, bu komandadakı sonuncu qolunu martın 9-da “Paderborn”a qarşı baş tutan oyunda vurub. Özü də hücumçu 69 və 84-cü dəqiqələrdə vurduğu qollarla dubl edərək, komandasının qələbəsində böyük pay sahibi olub. Nazarovun həmin qollarını təqdim edirik: