“Qarabağ” bu dəfə 9 pillə gerilədi

Beynəlxalq Futbol Tarixi və Statistikaları Federasiyası (İFFHS) dünyanın ən güclü klublarının yeni reytinq siyahısını açıqlayıb. Futbolxeber.az-ın məlumatına görə, 201 klubun adının yer aldığı siyahıya yalnız 1 Azərbaycan təmsilçisi düşüb. Bu, “Qarabağ”dır. Amma Ağdam klubu ötən reytinqlə müqayisədə bu dəfə 9 pillə geriləyib. Hazırda Qurban Qurbanovun komandası 119-cu pillədə qəralaşıb və ağdamlıların aktivində 123 reytinq balı var. Bu göstərici ilə “Qarabağ” “Liverpul”, “Everton”, “Rusenborq”, “Atletik”, “Korintians”. “Panatinaikos”. “Fənərbaxça”, “Anji” və ÇSKA kimi tanınmış klubları geridə qoyub.

Dünya reytinqinə əvvəlki kimi “Bavariya” başçılıq edir. “Real” ikinci, “Atletiko”su isə üçüncüdür. Dünyanın 10 ən güclü klubunun sırasında bu 3 komandayla yanaşı, “Lanus” (Argentina), “Atletiko Nasional” (Kolumbiya), “Barselona”, “Sevilya” (hər ikis İspaniya), “Yuventus” (İtaliya), “Çelsi” (İngiltərə) və “Benfika” (Portuqaliya) yer alıb.