Avropanın ən güclü 453 klubu arasında 7 Azərbaycan təmsilçisi

UEFA Klubların növbəti reytinq cədvəlini açıqlayıb. Futbolxeber.az-ın məlumatına görə, siyahıya 453 kollektivin adı düşüb. Bu komandalar arasında 7 təmsilçimiz var. Azərbaycan klublarından ən yaxşı göstərici “Qarabağ”a məxsusdur. Ağdam təmsilçisi sıralamada 210-cudur. Digər təmsilçilərimizə gəldikdə, “Neftçi” 219-cu, “İnter” 286-cı, “Bakı” 289-cu, “Xəzər Lənkəran” 307-ci, AZAL 379-cu, “Simurq” isə 380-cıdır.  

Türkiyə klublarından ən yaxşı göstərici “Qalatasaray”a məxsudur. “Cim-Bom” sıralamada 36-cı, “Beşiktaş” 66-cı, “Trabzonspor” 74-cü, “Bursaspor” 122-ci, “Sivasspor” 189-cu, “Qaziantepspor” isə 200-cüdür.

Avropanın ən güclü klubu adı isə “Real” məxsusdur. “Barselona” siyahıda ikinci, “Bavariya” isə üçüncüdür. Qitənin ən güclü 11 klubu arasında bu 3 komandadan başqa, “Çelsi”, “Mançester Yunayted”, “Benfika”, “Atletiko”, “Valensiya”, “Arsenal”, “Portu” və “Milan” qərarlaşıb.