“Bakı” rəsmisi forma məsələsinə aydınlıq gətirdi: “Əsas odur ki..."

“Bakı” klubunun bugünkü məşqə oyun formasında çıxması böyük maraq doğurub. Futbolxeber.az-ın məlumatına görə, bəzi mətbuat orqanları bunu klubun maddi sıxıntısı ilə əlaqələndirərək, biabırçılıq adlandırıblar.

“Zolaqlılar”ın mətbuat xidmətinin rəhbəri İsgəndər İsgəndərov Futbolxeber.az saytına verdiyi açıqlamada məsələyə belə münasibət bildirdi: “Düzünü deyim ki, burda qeyri-adi bir şey görmürəm. Əsas odur ki, “Bakı”nın formasında məşq edirlər. Bir də ki, yeni mövsümdə klub üçün yeni formaların sifarişi nəzərdə tutulub”.

Klub rəsmisinin sözlərində də həqiqət var. Klubun öz oyun formasında məşq etməsində qeyri-adilik axtarmaq düzgün deyil. Həm də bunu məşq formalarının yuduzdurulmaması ilə əlaqələdirmək düzgün olmazdı. Çünki ən azından məşq forması kimi oyun forması da yuyulur...