Mustafa Dənizli növbəti mövsümdə də “Xəzər Lənkəran”ı çalışdıracaq! EKSKLÜZİV

“Xəzər Lənkəran”ın baş məşqçisi Mustafa Dənizli dünən klub prezidenti Mais Mənsimovla görüşüb. Futbolxeber.az-ın məlumatına görə, görüş zamanı komandanın hazırki durumu barədə danışılıb. Eləcə də komandanın bu çətin vəziyyətdən tezliklə çıxarılması yönündə müzakirələr aparılıb.

Bu görüşə əsasən, düşünmək olar ki Mustafa Dənizli növbəti mövsümdə də komandanın başında olacaq. Əgər, klub rəhbərliyi Dənizli ilə vidalaşmaq fikrində olsaydı, çətin vəziyyətdən çıxış yolu barədə türkiyəli mütəxəssislə müzakirə aparmazdı. Halbuki son zamanlar alınan uğursuz nəticələrdən sonra Dənizlinin Lənkəran klubundan ayrılacağı deyilirdi.

Xatırladaq ki, Dənizlinin “Xəzər Lənkəran”la hələ 1 illik müqaviləsi var.