“Qarabağ” tarixinə düşmək qürurvericidi”

“Gördüyünüz kimi, oyun çox gərgin keçdi. Derbi oyunu idi, istər-istəməz abu-hava da başqa idi. Zənnimcə, maraqlı qarşılaşma oldu və azarkeşlər darıxmadılar”. Futbolxeber.az-ın məlumatına görə, bu sözləri “Qarabağ”ın yarımmüdafiəçisi Muarem Muarem deyib.

Ağdam klubunun ölkə çempionatları tarixinə 900-cü qolunu vuran Muarem “Qarabağ”ın rəsmi saytına verdiyi açıqlamada bu barədə söyləyib: “Qola gəlincə, bu “Neftçi”yə vurduğum ilk qoldu. 900-cü qola gəlincə, əlbəttə, yaddaqalan məqamdı. “Qarabağ” tarixinə düşmək qürurvericidi. Təbii ki, qalib gəlmək istəyirdik. Amma derbidə istənilən nəticənin qeydə alınması mümkündü. “Neftçi”nın də ciddi hədəfləri var. Qeydə alınan nəticəni normal hesab edirəm. Hərçənd, 2 ci yarıda fərqlənmək üçün ciddi imkanlarımız vardı. Amma dediyim kimi artıq bu oyunu unudub növbəti qarşılaşmalara baxmalıyıq. Çünki, bizi final dəyərində 4  qarşılaşma gözləyir. Artıq bu oyunları düşünməliyik”.`